اسلام آباد: اسلام آباد کی ایک مقامی عدالت نے بدھ کو پاکستان تحریک انصاف (پی ٹی آئی) کے چیئرمین عمران خان کی جانب سے خاتون جج کو دھمکیاں دینے کے مقدمے میں بریت کی درخواست مسترد کر دی۔

ڈسٹرکٹ اینڈ سیشن عدالت کے جج مرید عباس نے درخواست پر محفوظ کیا گیا فیصلہ سناتے ہوئے کہا: ’پی ٹی آئی چیئرمین کیس میں بری ہونے کے مستحق نہیں‘۔

کیس میں فریقین کے دلائل مکمل ہونے پر فیصلہ محفوظ کر لیا گیا۔

عدالت نے خان کے مقدمے کو شروع سے دوبارہ چلانے کا فیصلہ کرتے ہوئے سماعت 20 دسمبر تک ملتوی کر دی۔

معزول وزیر اعظم کے خلاف اگست 2022 میں مارگلہ پولیس اسٹیشن میں انسداد دہشت گردی ایکٹ (اے ٹی اے) کے تحت ایک مقدمہ درج کیا گیا تھا جس میں انہوں نے گزشتہ سال ایک عوامی ریلی کے دوران ایڈیشنل سیشن جج زیبا چوہدری اور اسلام آباد پولیس کے سینئر افسران کو نشانہ بناتے ہوئے دھمکی آمیز ریمارکس دیے تھے۔